اٹلی میں بس حادثے میں 16 افراد ہلاک

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ اٹلی کے شمالی حصے میں بس حادثے میں 16 افراد ہلاک اور 39زخمی ہوگئے ہیں۔ اطلاعات کے مطابق اٹلی کے شمالی حصے میں موٹروے پرایک بس اس وقت حادثے کا شکا ر ہوگئی جب وہ ویرونا کے قریب سڑک کے کنارے پر رکھی رکاوٹوں سے ٹکرا گئی جس کے بعد بس میں آگ بھڑک اٹھی۔حادثے میں 16 مسافر ہلاک اور 39زخمی ہوگئے۔ بس اٹلی کا سیاحتی دورہ مکمل کرنے کے بعد فرانس سے گزر کر بوڈاپیسٹ جا رہی تھی۔ اطالوی پولیس کے مطابق نصف شب کو پیش آنے والے اس حادثے کی تفتیش شروع کر دی گئی ہے۔