امریکہ میں مسافر ٹرین کے حادثے میں 100 افراد زخمی

مہر خبررساں ایجنسی نے رائٹرز کے حوالے سے نقل کیا ہے کہ امریکہ کے شہرنیویارک میں ایک مسافر ٹرین پٹڑی سے اتر گئی جس کے نتیجے میں کم سے کم 100 افراد زخمی ہوگئے ہیں۔اطلاعات کے مطابق نیویارک کے فائر ڈپارٹمنٹ کا کہنا تھا کہ حادثے کے فوری بعد ریسکیو کا عملہ اٹلانٹک ٹرمینل پر پہنچ گیا ہے۔ڈپٹی اسسٹنٹ چیف ڈان ڈونوگیو نے حادثے کے مقام پر میڈیا کو بریفنگ دیتے ہوئے کہا کہ زخمیوں کی حالت خطرے سے باہر ہے تاہم 11 افراد کو جائے حادثہ سے ہسپتال منتقل کیا گیا۔ان کا مزید کہنا تھا کہ حادثے کا شکار ہونے والی ٹرین میں 600 سے 700 کے درمیان مسافر سوار تھے۔