شام کے شمالی علاقہ میں ترکی کے فضائی حملوں میں 227 شہری جاں بحق

مہر خبررساں ایجنسی نے العالم کے حوالے سے نقل کیا ہے کہ شام میں انسانی حقوق کی تنظیم نے اعلان کیا ہے کہ شام کے شمالی علاقوں ميں ترکی کے ہوائی حملوں میں 227 افراد جاں بحق ہوگئے ہیں۔انسانی حقوق کی تنظیم کے مطابق ترکی کے ہوائی حملوں میں ہلاک ہونے والوں میں 35 عورتیں اور 68 بچے بھی شامل ہیں۔ اطلاعات کے مطابق یہ علاقہ داعش کے قبضہ میں ہیں اور ان علاقوں میں ہلاکتوں کے علاوہ سیکڑوں افراد زخمی بھی ہوگئے ہیں۔ ترکی اس سے قبل داعش کی حمایت کرتا رہا ہے  لیکن اب وہ داعش کو شام اور عراق میں ہی گھیر کر ہلاک کرنا چاہتا ہے۔