میکسیکو میں فائرنگ سے ایک ہی خاندان کے 7افراد ہلاک

مہر خبررساں ایجنسی نے غیر ملکی ذرائع کے حوالے سے نقل کیا ہے کہ میکسیکو میں مسلح  افراد  نے فائرنگ کرکے ایک ہی خاندان کے 7افراد کو قتل کردیا ہے۔ اطلاعات کے مطابق یہ واقعہ میکسیکو کی جنوبی ریاست گوریرو میں پیش آیا تھا۔
 پولیس کے مطابق کرسمس کے موقع پر جمع ہونے والے ایک خاندان پر فائرنگ کرکے 7افراد کو ہلاک کردیا گیا ہے۔ ہلاک افراد میں 3بھائی، باپ، چچا اور 2دیگر رشتہ دار شامل ہیں۔ پولیس ذرائع کے مطابق فائرنگ میں منشیات فروش گروہوں کے کارندے ملوث ہوسکتے ہیں.