چین سے ڈرون واپس نہیں لیناچاہیے، ٹرمپ

مہر خبررساں ایجنسی نے ذرائع کے حوالے سے نقل کیا ہے کہ چین نے امریکہ کا سمندری ڈرون پکڑ لیا جس پر امریکہ کے منتخب صدر ڈونلڈ ٹرمپ نے کہاہے کہ ’ہمیں چین کو بتاناچاہیے کہ جو ڈرون انہوں نے چرایا ، ہم اس کی واپسی نہیں چاہتے اور اب اپنے پاس رکھیں‘۔ مائیکروبلاگنگ ویب سائٹ پر ڈونلڈجے ٹرمپ نے لکھاکہ امریکہ کو عالمی پانیوں سے چین کی طرف سے پکڑے گئے ڈرون کا معاملہ چھوڑدینا چاہیے ، ٹرمپ کا پیغام ایک ایسے وقت پر سامنے آیا جب امریکی فوج نے اعلان کیا کہ چین ڈرون حوالے کرنے پر تیار ہے۔ ہفتے کی صبح بھی ٹرمپ نے ٹوئیٹر کا سہارالیا اور چین پر تنقید کرتے ہوئے مکروہ فعل قراردیا۔