مہر خبررساں ایجنسی نے ایکسپریس نیوزکے حوالے سے نقل کیا ہے کہ پاکستان کے شہر لاہور کے علامہ اقبال ٹاؤن میں نامعلوم افراد کی فائرنگ سے مقامی کالج کے پروفیسر ہلاک ہوگئے ہیں۔ اطلاعات کےمطابق لاہور کے علاقے علامہ اقبال ٹاؤن میں نامعلوم مسلح افراد نے فائرنگ کرکے وحدت روڈ سائنس کالج کے پروفیسر کو ہلاک کردیا ہے۔ پولیس کے مطابق راؤ الطاف جوہر ٹاؤن سے اقبال ٹاؤن بچوں کو اسکول چھوڑنے آئے تھے کہ موٹر سائیکل پر سوار 2 مسلح افراد نے فائرنگ کردی جس کے نتیجے میں پروفیسر راؤ الطاف موقع پر ہی جاں بحق ہوگئے۔ پولیس حکام کا کہنا تھا کہ راؤ الطاف سائنس کالج میں زولوجی ڈیپارٹمنٹ کے پروفیسر تھے اور ابتدائی معلومات کے مطابق واقعہ دشمنی کا شاخسانہ لگتی ہے پولیس نے اس حادثے کے بارے میں تفتیش شروع کردی ہے۔
اجراء کی تاریخ: 15 نومبر 2016 - 11:03
پاکستان کے شہر لاہور کے علامہ اقبال ٹاؤن میں نامعلوم افراد کی فائرنگ سے مقامی کالج کے پروفیسر ہلاک ہوگئے ہیں۔