بھوپال جیل سے فرار ہونے والے قیدی ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستانی پولیس نے دعوی کیا ہے کہ مدھیہ پردیش کے شہر بھوپال کی جیل سے کالعدم تنظیم کے فرار ہونے والے قیدیوں کو پولیس مقابلے میں  ہلاک کردیا گیا ہے۔ پولیس نے دعوی کیا ہے کہ ہندوستانی شہر بھوپال کی جیل سے فرار ہونے والے کالعدم تنظیم کے آٹھ قیدی مبینہ پولیس مقابلے میں مارے گئے ۔ ہندوستانی ذرائع کے مطابق فرار ہونےوالے قیدیوں کو بھوپال کے مضافاتی علاقے میں مبینہ پولیس مقابلے میں مارا گیا، یہ تمام قیدی رات گئے کانسٹیبل کو قتل کر کے جیل کی دیوار سے کود کر فرار ہوئے تھے، جس کے بعد ریاست بھر میں ان کی تلاش کیلئے الرٹ جاری کردیا گیا تھا۔ ذرائع کے مطابق پولیس کے اس دعوے پر کئی سوالیہ نشان لگ گئے ہیں۔