مہر خبررساں ایجنسی نے سباء کے حوالے سے نقل کیا ہے کہ یمن کے مختلف صوبوں پر سعودی عرب کی وحشیانہ بمباری اور جارحیت کا سلسلہ جاری ہے یمن کے صوبہ مآرب میں سعودی عرب کے تازہ ہوائی حملے میں 5 یمنی شہری شہید ہوگئے ہیں۔
اطلاعات کے مطابق یمن کے مختلف علاقوں پر سعودی عرب کے بہیمانہ ہوائی حملوں کا سلسلہ جاری ہے سعودی عرب یمن پر اپنی تمام تر شقاوت کے باوجود اپنے اہداف میں ناکام ہوچکا ہے اور اپنی ناکامی کو چھپانے کے لئے وہ یمن پر بربریت جاری رکھے ہوئے ہے۔ ادھر یمنی فورسز نے بھی سعودی رعب کے سرحدی علاقوں پر جوابی کارروائیاں جاری کھی ہوئی ہیں جس میں سعودی عرب کو بڑے پیمانے پر جانی اور مالی نقصان پہنچ رہا ہے۔