اٹلی میں زلزلہ میں ہلاک ہونے والوں کی تعداد 120 ہوگئی

مہر خبررساں ایجنسی نے بی بی سی کے حوالے سے نقل کیا ہے کہ اٹلی میں 6.4 کی شدت کے زلزلہ میں ہلاک ہونے والے افراد  کی تعداد 120 تک پہنچ گئی ہے۔ اطالوی شہر پیراگیا کے جنوب مشرقی علاقے آج صبح زلزلے سے لرز اٹھے، متعدد عمارتیں منہدم اور گاڑیاں تباہ ہوگئیں، پل گرگئے، سڑکوں کو نقصان پہنچا اور لینڈ سلائیڈنگ سے راستے بند ہوگئے۔
ایک گاؤں اور قصبہ مکمل طور پر ملبے کا ڈھیر بن گیا، زلزلے کی شدت دارالحکومت روم، ایمبریا، لازیو، لامارشے اور بولونیا تک محسوس کی گئی، جہاں عمارتیں 20سیکنڈ تک لرزتی رہیں۔ زخمیوں کو اسپتال پہنچایا جارہا ہے اور متاثرہ علاقوں میں امدادی ٹیمیں ملبے تلے دبے لوگوں کی جان بچانے کی کوشش کر رہی ہیں، حکام کے مطابق اموات کی تعداد میں اضافے کا خدشہ ہے۔