ترک صدر اردوغان نے 2745 ججوں کو برطرف کردیا

مہر خبررساں ایجنسی نے ترک ذرائع کے حوالے سے نقل کیا ہے کہ ترکی کے صدر رجب طیب اردوغان نے فوجی بغاوت ناکام ہونے کے بعد فتح اللہ گولن سے منسلک 2745 ججوں کو ان کے عہدوں سے برطرف کردیا ہے۔ ترک حکومت نے فوجی بغاوت کی کوشش ناکام ہونے کے بعد آپریشن کلین اپ شروع کر دیا ہے اور 2745ججز کو برطرف کر دیاہے ۔ذرائع کے مطابق ترک  2745ججز کو برطرف کر دیا گیاہے جبکہ 10عدالتی ارکان کو حراست میں لے لیا گیاہے اور 140کی تلا ش جاری ہے ۔
ادھر ترک وزیراعظم کا کہناہے کہ بغاوت کی کوشش کو مکمل طور پر ناکام بنا دیا گیاہے ،بغاوت کرنے والے 2839فوجی افسران کو بھی حراست میں لے لیا گیاہے ۔باغی فوجیوں کے ساتھ جھڑپوں میں 265 افراد ہلاک ہو گئے ہیں جبکہ 1500کے قریب افراد زخمی ہیں ۔