مہر خبررساں ایجنسی نے النشرہ کے حوالے سے نقل کیا ہے کہ عراق میں سرگرم وہابی دہشت گرد تنظیم داعش نے عراق کے دارالحکومت بغداد کے صدر سٹی علاقہ میں ہونے والے بم دھماکے کی ذمہ داری قبول کرلی ہے۔
اس بم دھماکے میں 30 افراد شہید اور 65 زخمی ہوگئے ہیں طبی ذرائع کے مطابق شہداء اور زخمیوں میں زيادہ تر تعداد عورتوں اور بچوں کی ہے۔ عراقی حکام اور پارلیمنٹ کے اسپیکر سلیم الجبوری نے اس بم دھماکے کی مذمت کرتے ہوئے مجرموں کو قرارواقعی سزا دینے کا مطالبہ کیا ہے۔