کراچی میں اہلکاروں کی کارروائی میں 7 دہشت گرد گرفتار

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہر کراچی میں رینجرز نے شہرکے مختلف علاقوں میں کارروائیاں کرتے ہوئے 7 دہشت گردوں کو گرفتار کر لیا ہے۔ مختلف علاقوں میں چاکیواڑہ، گل سینٹر،طارق روڈ ، لیاری اور ناگن چورنگی شامل ہیں۔ ترجمان رینجرزکا کہنا ہے گرفتار ملزمان جرائم کی سنگین واردوتوں میں بھی ملوث ہیں جن کے قبضے سے اسلحہ اور دیگر سامان بھی برآمد ہوا ہے، دہشت گردوں کو نامعلوم مقام  پرمنتقل کرکے ان سے تفتیش کا آغاز کر دیا گیا ہے۔