حزب اللہ نے شام میں روس کے حملوں کی حمایت کردی

مہر خبررسان ایجنسی نے النشرہ کے حوالے سے نقل کیا ہے کہ حزب اللہ لبنان کے نائب سربراہ شیخ نعیم قاسم نے اپنے خطاب میں کہا ہے کہ داعش دہشت گردوں نے شامی عوام کا جینا حرام کردیا تھا اور داعش دہشت گردوں کے خلاف روسی کارروائی مثبت قدم ہے۔ انھوں نے کہا روسی فضائیہ دہشت گردوں کے ٹھکانوں کو نشانہ بنا رہی ہے جو دنیا کے مختلف ممالک سے شام میں آکر دہشت گردی پھیلا رہے ہیں اور جنھوں نے شامی عوام کو ہجرت کرنے اور دربدر ہونے پر مجبور کردیا۔ انھوں نے کہا کہ داعش دہشت گردوں کے خلاف روسی کارروائی اچھا اور مثبت قدم ہے اور حزب اللہ اس کی حمایت کرتی ہے۔