مہر خبررساں ایجنسی نے آئی آر آئی بی کے حوالے سے نقل کیا ہے کہ حزب اللہ لبنان کے سربراہ سید حسن نصر اللہ نے اسلامی جمہوریہ ایران کے عربی اور افریقی امور کے ڈائریکٹر امیر عبداللہیان کے ساتھ ملاقات میں ایٹمی معاہدے پر مبارک باد پیش کرتے ہوئے کہا کہ لبنان میں اسلامی مزاحمتی تحریک اسرائیل کے ہر حملے کا منہ توڑ جواب د ینے کے لئے آمادہ ہے۔
سید حسن نصر اللہ نے کہا کہ اسرائیل خطے میں تخریبی نقش ایفا کررہا ہے اور لبنانی عوام اسرائیل کی جارحیت کا دنداں شکن جواب دینے کے لئے تیارہے۔ اس ملاقات میں حزب اللہ کے سربراہ اور امیر عبداللہیان نے علاقائی مسائل اور عالمی امور پر بھی تبادلہ خیال کیا نیز خطے میں دہشت گردی کے بڑھتے ہوئے خطرے کے بارے میں بھی بات چیت کی۔