ملتان میں چھت گرنے سے 5 افراد ہلاک

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہر ملتان میں غریب نواز آباد میں مکان کی چھت گرنے سے 3 خواتین اور 2 بچوں سمیت ایک ہی خاندان کے 5 افراد ہلاک  ہوگئے ہیں۔ اطلاعات کے مطابق ملتان کے علاقے غریب نواز آباد میں زیر تعمیر مکان کے ایک کمرے میں 4 خواتین اور 3 بچے ناشتہ کر رہے تھے کہ اچانک گھر کی چھت گر گئی۔ امدادی ٹیموں کے اہلکاروں نے زخمیوں کو فوری طور پر نشتر اسپتال منتقل کیا جہاں 3 خواتین اور 2 بچے زخموں کی تاب نہ لاتے ہوئے دم توڑ گئے۔