چین میں 458 مسافروں سمیت بحری جہاز ڈوب گیا

مہر خبررساں ایجنسی نے رائٹرز کے حوالے سے نقل کیا ہے کہ چین میں 450 سے زیادہ مسافروں سے بھرا بحری جہاز ڈوب گیا۔ ایک شخص ہلاک جبکہ 12افراد کو بچا لیا گیا۔اطلاعات کے مطابق مسافر بحری جہاز مشرقی شہر نانجنگ سے جنوب مغربی شہر جا رہا تھا اس دوران سائیکلون کے باعث سمندر میں ڈوب گیا ۔ جہاز میں عملے کے 47 ارکان سمیت 458افراد سوار تھے۔ جہاز کے کپتان سمیت 12 افراد کو بچالیا گیا ہے ۔ کپتان کا کہنا ہے کہ جہاز طوفان میں گِھر گیا تھا جس کی وجہ سے حادثہ پیش آیا۔ ریسکیو ٹیموں نے  لاپتہ افراد کی تلاش شروع کردی ہے ۔ تاہم خراب موسم کے باعث امدادی کارروائیوں میں مشکلات کا سامنا ہے۔