ایس 300 سسٹم کی شام میں تنصیب اسرائیل کے لیے خطرہ

مہر خبررساں ایجنسی نے عرب ذرائع کے حوالے سے نقل کیا ہے کہ اسرائیل کے توانائی کے وزیر یوفال اشٹائنٹز نے اعتراف کیا ہے کہ ایس 300 سسٹم کی شام میں تنصیب ہمارے لیے ایک مسئلہ ہے۔ اسرائیلی فوج کے ریڈیو سے گفتگو کرتے ہوئے انہوں نے کہا کہ یہ امریکیوں کے لیے بھی (مسئلہ) ہو سکتا ہے۔ یہ سسٹم یقیناًہمارے لیے امور کو مشکل تر بنا دے گا اور اس کے حل تک پہنچنا ضروری ہے۔ تاہم اسرائیلی وزیر نے واضح کیا کہ ایس 300 سسٹم کی خصوصی ٹیکنا لوجی گزری دہائیوں کی ہے۔ انہوں نے یا بھی کہا کہ اسرائیل شام میں ایران کے خلاف اپنی مہم جاری رکھے گا اور اس سسٹم سے سامنے آنے والے چیلنجوں پر قابو پا لے گا۔