قندھار میں فضائی حملہ سے 8 طالبان ہلاک

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ افغانستان کے صوبے قندھار میں کیے گئے فضائی حملےمیں 8 طالبان ہلاک ہو گئے ہیں۔ حملےمیں 4 شہری بھی جاں بحق ہوئے ہیں۔ قندھار کے ضلع معروف کے گاؤں پر گزشتہ رات طالبان نے حملہ کیا تھا، جس پر انہیں افغان فورسز کی جانب سے کارروائی کا سامنا کرنا پڑا۔ افغان فورسز نے طالبان کے خلاف فضائی مدد کا مطالبہ کیا، طالبان نے حملے سے بچنے کے لیے گھروں میں پناہ لے لی، فضائی حملے کی زد میں طالبان کے ساتھ وہاں کے عوام بھی آگئے۔