امریکی صدر کا چينی درآمدات پر مزید 200 ارب ڈالر کے محصولات عائد کرنے کا حکم

مہر خبررساں ایجنسی نے غیر ملکی ذرائع کے حوالے سے نقل کیا ہے کہ امریکی صدر ڈونلڈ ٹرمپ نے چینی درآمدات پر مزید 200 ارب ڈالر کے محصولات عائد کرنے کا حکم جاری کردیا ہے۔اطلاعات کے مطابق امریکی صدر نے چین کے ساتھ تجارتی جنگ کو مزید وسیع کرتے ہوئے تجارت کے سرکاری نمائندہ ادارے کو چینی مصنوعات کی درآمدات پر 10 فیصد اضافے کی شرح سے 200 ارب ڈالر کے محصولات عائد کرنے کی ہدایات جاری کی ہیں۔ امریکی صدر نے حکم نامے میں کہا کہ چینی درآمداتی اشیا کی ایک فہرست مرتب کریں جن پر 200 ارب ڈالر مالیت کا اضافی ٹیکس عائد کیا جائے گا، امریکی صدر کا دعویٰ ہے کہ چین حقوق دانش کی مسلسل خلاف ورزیوں کے سلسلے کو برقرار رکھے ہوئے ہے جس سے  امریکی روزگار کی منڈیوں کو شدید مشکلات کا سامنا ہے۔