مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان کی ریاست چھتیس گڑھ میں بارودی سرنگ کے دھماکے کے نتیجے میں 5 سکیورٹی اہلکار ہلاک جب کہ 2 زخمی ہوگئے ہیں ۔اطلاعات کے مطابق ہندوستانی ریاست چھتیس گڑھ میں فورسز کی گاڑی بارودی سرنگ سے ٹکرا گئی جس کے نتیجے میں 5 افراد ہلاک جب کہ 2 افراد زخمی ہوگئے۔ ریاست کے حکام نے واقعے کی تصدیق کرتے ہوئے بیان جاری کیا ہے کہ ضلع ڈنٹی واڑہ میں فورسز کی گاڑی معمول کے گشت پر تھی اور گاڑی میں آرمی کے 3 اہلکاروں سمیت 7 اہلکار سوار تھے۔
اجراء کی تاریخ: 20 مئی 2018 - 14:48
ہندوستان کی ریاست چھتیس گڑھ میں بارودی سرنگ کے دھماکے کے نتیجے میں 5 سکیورٹی اہلکار ہلاک جب کہ 2 زخمی ہوگئے ہیں۔