الجزائر میں فوجی بردار طیارہ گرکر تباہ / حادثے میں 257 افراد ہلاک

مہر خبـررساں ایجنسی نے فرانسیسی خبر رساں ایجنسی کے حوالے سے نقل کیا ہے کہ الجزائر میں فوجی اڈے کے قریب فوجی مسافر بردار طیارہ گر کر تباہ ہوگیا جس میں سوار تمام 257 افراد ہلاک ہوگئے ہیں۔ الجزائر ذرائع کے مطابق یہ ایک فوجی مسافر بردار طیارہ تھا جو الجزائر کے دارالحکومت کے نزدیک گر کر تباہ ہوا۔ اے ایف پی کے مطابق طیارہ الجزائر کے صوبے بلیدا میں گر کر تباہ ہوا، جس میں 247 فوجی اور عملے کے 10 افراد سوار تھے۔ اطلاعات  مطابق الجزائر کے دارالحکومت سے 20 میل کی دوری پر فوجی طیارہ گر کر تباہ ہوگیا۔ طیارے نے ملٹری بیس کے نزدیک ایئرپورٹ بوفارک سے پرواز بھری تھی کہ اچانک گر کر تباہ ہوگیا جس کے نتیجے میں جہاز میں سوار 257 فوجی ہلاک ہوگئے ہیں۔ واضح  رہے کہ 2014 میں بھی الجزائر کا فوجی طیارہ گر کر تباہ ہوگیا تھا جس کے نتیجے میں 103 افراد ہلاک ہو گئے تھے، جو ملکی تاریخ کا بدترین فضائی حادثہ تھا۔