ہماچل پردیش میں بس حادثے میں 30 افراد ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان کی ریاست ہماچل پردیش میں اسکول بس کھائی میں گرنے کے نتیجے میں 27 بچوں سمیت 30 افراد ہلاک ہوگئے ہیں۔ ہندوستان ریاست ہماچل پردیش کے ضلع کنگرا میں اسکول بس 200 فٹ گہری کھائی میں جاگری جس کے نتیجے میں  27 طالب علم سمیت 30 افراد ہلاک ہوگئے۔ واقعے کے فوراً بعد ریسکیو ٹیموں نے جائے حادثہ  پر پہنچ کر لاشوں اور زخمیوں کو اسپتال منتقل کیا جہاں اسپتال انتظامیہ کے مطابق بعض بچوں کی حالت انتہائی تشویشناک ہے۔ پولیس کے مطابق حادثے کا شکار ہونے والی بس وزیر رام میموریل اسکول کی تھی اور ہلاک ہونے والوں بچوں کی عمریں 10 سال سے کم تھیں جب کہ بس ڈرائیورسمیت 2 اساتذہ بھی حادثے میں ہلاک ہوئے ہیں۔