مشرقی غوطہ سے اب تک 300 افراد کو نکال لیا گیا

مہر خبررساں ایجنسی نے الیوم السابع کے حوالے سے نقل کیا ہے کہ شام میں قومی مصالحتی کمیٹی کے روسی مرکز کے ترجمان ولادیمیر زولوتوخین نے کہا ہے کہ مشرقی غوطہ سے اب تک 300 افراد کو بحفاظت نکال لیا گیا ہے۔ جبکہ وہابی دہشت گرد شہریوں کو ڈھال بنائے ہوئے ہیں۔روسی مرکز کے سربراہ نے بھی اس سے قبل اعلان کیا تھا کہ مشرقی غوطہ سے 148 افراد خارج ہونے میں کامیاب ہوگئے ہیں جن 79 بچے بھی شامل ہیں۔ ادھر انسانی حقوق کی تنظیم کا کہنا ہے کہ روس کے ہوائی حملے میں 12 دہشت گرد ہلاک ہوگئے ہیں جن میں فیلق الرحمن کے 2 اہم کمانڈر بھی شامل ہیں۔