ترکی میں پاکستانیوں سمیت 361 غیرقانونی تارکین وطن گرفتار

مہر خبررساں ایجنسی نے حریت کے حوالے سے نقل کیا ہے کہ ترکی میں سفری دستاویزات نہ ہونے پر 361 غیرقانونی تارکین وطن کو حراست میں لے لیا گیا جن میں پاکستانیوں کی بھی بڑی تعداد شامل ہے۔اطلاعات کے مطابق 183افراد کو ازمیر صوبے سے گرفتار کیا گیا جن کا تعلق عراق، شام اور یمن سے ہے جبکہ ارزنجان صوبے سے 178افراد کو حراست میں لیا گیا۔ زیر حراست افراد میں پاکستانی اور افغان شہریوں کی بڑی تعداد بھی شامل ہیں اور ان کے ساتھ بچے بھی ہیں۔