پاکستان کے شہر کراچی میں چینی شہری ہلاک

مہر خبررساں ایجنسی نے ڈیلی پاکستان کے حوالے سے نقل کیا ہے کہ پاکستان کے شہر کراچی میں زمزمہ پارک کے قریب نامعلوم کار سواروں کی فائرنگ سے ایک چینی شہری ہلاک جبکہ دوسرا زخمی ہوگیا ہے۔ پولیس ذرائع کے مطابق زمزمہ کے قریب دو غیر ملکی شہری ایک گاڑی میں جا رہے تھے کہ پیچھے سے آنے والی گاڑی نے ان کی گاڑی کو ٹکر ماری جس سے غیر ملکی شہری رک گئے۔ پچھلی گاڑی میں بیٹھے افراد نے پیچھے سے ہی اندھا دھند فائرنگ کردی جس کے باعث ایک غیر ملکی شہری ہلاک اور دوسرا شدید زخمی ہوگیا ۔
ایس پی کے مطابق فائرنگ میں ہلاک ہونے والا چینی باشندہ ہے ، واقعہ ٹارگٹ کلنگ کالگتا ہے، ملزمان فائرنگ کے بعد موقع واردات سے فرار ہوگئے، جائے وقوعہ سے شواہد جمع کیے جا رہے ہیں۔