یمنی فورسز کا 2 میزائلوں سے سعودی عرب کے فوجی ٹھکانوں پر حملہ

مہر خبررساں ایجنسی نے المسیرہ کے حوالے سے نقل کیا ہے کہ یمنی فورسز نے یمن کا دفاع کرتے ہوئے سعودی عرب کے اتحادی  فوجیوں کے ٹھکانوں پر 2 میزائل داغے ہیں۔ اطلاعات کے مطابق یمنی فورسز نے صوبہ صنعا کے علاقہ نہم میں سعودی عرب سے وابستہ فوجیوں اور ان کے جنگی وسائل کو زلزال 2 میزائلوں سے نشانہ بنایا جس کے نتیجے میں سعودی عرب کے متعدد فوجی ہلاک اور ان کا جنگی ساز و سامان تباہ ہوگيا۔ ادھر یمنی فورسز نے سعودی عرب کے ایک ڈرون طیارے کو بھی سرنگوں کردیا ہے۔