مہر خبررساں ایجنسی نے المسیرہ کے حوالے سے نقل کیا ہے کہ یمنی فورسز اور قبائل نے صوبہ مآرب میں سعودی عرب کے اتحادی کرائے کے فوجیوں پر میزائل سے حملہ کیا ہے جس کے نتیجے میں متعدد کرائے کے فوجی ہلاک اور زخمی ہوگئے ہیں۔
اطلاعات کے مطابق یمنی فورسز نے صوبہ مآرب کے علاقہ الماس میں سعودی عرب کے کرائے کے فوجیوں کے ٹھکانے پر ایک میزائل داغا ہے جس کے نتیجے میں متعدد فوجی ہلاک اور زخمی ہوگئے ہیں۔ یمنی فورسز نے کل رات بھی ایک میزائل مشرقی صنعا کے علاقہ میں سعودی عرب کے کرائے کے فوجیوں پر داغا تھا۔
ذرائع کے مطابق سعودی عرب کو یمن میں تاریخی شکست کا سامنا ہے اور وہ امریکہ سمیت دس ممالک کی حمایت کے باوجود بھی اس جنگ کو گذشتہ تین سال سے جیت نہیں سکا ہے سعودی عرب کو یمنی عربوں کی سخت مزاحمت کا سامنا ہے۔ سعودی عرب نے یمن پر جنگ مسلط کرکے اپنا مکروہ چہرہ دنیا کے سامنے پیش کردیا ہے۔