سعودی عرب کا صعدہ کے علاقہ الغور پر میزائلوں سے حملہ

مہر خبررساں ایجنسی نے العہد کے حوالے سے نقل کیا ہے کہ سعودی عرب کی یمن کے خلاف بربریت اور جارحیت کا سلسلہ جاری ہے سعودی عرب نے یمن کے صوبہ صعدہ کے علاقہ الغور میں میزائلوں سے حملہ کیا ہے جس کے نتیجے میں بڑے پیمانے پر مالی نقصان ہوا ہے۔ اطلاعات کے مطابق سعودی عرب نے الغور علاقہ پر کئی میزائل داغے ہیں جن کے نتیجے میں کافی مالی نقصان ہوا ہے لیکن ان حملوں میں کسی جانی نقصان کی کوئی اطلاع نہیں ہے۔ یمن پر سعودی عرب کی جارحیت کے نتیجے میں اب تک 12 ہزار یمنی شہری شہید ہوچکے ہیں جن میں اکثریت بچوں اور خواتین کی ہے۔