جنرل قاسم سلیمانی کا رہبر معظم کے ہمدردانہ پیغام پر شکریہ

مہر خبررساں ایجنسی کی رپورٹ کے مطابق سپاہ قدس کے سربراہ میجر جنرل قاسم سلیمانی نے اپنے والد کے انتقال پر رہبر معظم انقلاب اسلامی حضرت آیت اللہ العظمی خامنہ ای کے ہمدردانہ اور محبت آمیز پیغام پر شکریہ ادا کیا۔ جنرل قاسم سلیمانی نے اپنے پیغام میں کہا کہ ہم اللہ تعالی کا شکر ادا کرتے ہیں کہ اس نے ہمیں ولی امر کی نعمت سے نوازا۔ اللہ تعالی آپ کو طول عمر عطا فرمائے اورہماری عمر کے باقی حصے کو بھی آپ کی عمر میں اضافہ فرمائے ۔ آپ کا گرانقدر وجود آج اسلام اور مسلمانوں کے لئے اللہ تعالی کی بہت بڑي نعمت ہے۔