فن لینڈ میں چاقو بردار شخص کے حملے میں 2 افراد ہلاک

مہر خبررساں ایجنسی نے " اے ایف پی کے حوالے سے نقل کیا ہے کہ شمالی یورپی ملک فن لینڈ میں چاقو بردار شخص کے حملے میں 2 افراد ہلاک اور 6 زخمی ہوگئے ہیں۔ اطلاعات کے مطابق چاقو بردار شخص نے فن لینڈ کے مغربی شہر تُرکو میں لوگوں پر حملہ کیا۔ ترکو پولیس کے مطابق چاقو بردار شخص کے حملے میں 2 افراد ہلاک اور 6 زخمی ہوگئے ہیں۔ پولیس کے مطابق حملے میں ملوث ایک مشتبہ شخص کو پیر میں گولی مار کر زخمی کرنے کے بعد گرفتار کر لیا گیا۔واضح رہے کہ گزشتہ روز اسپین میں چند گھنٹے کے دوران وہابی دہشت گردوں کے حملے میں 14 افراد ہلاک اور 100 سے زائد زخمی ہوئے تھے۔اسپین کے شہر بارسلونا میں راہگیروں پر وین چڑھانے کے حملے کی ذمہ داری وہابی  دہشت گرد تنظیم داعش نے قبول کی تھی۔