برکینافاسو میں فائرنگ سے 17 افراد ہلاک

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ افریقی ملک برکینافاسو کے کیفےمیں فائرنگ سے ترک شہری سمیت17 افراد ہلاک ہوگئے ہیں جبکہ 8 افراد زخمی ہوئے ہیں۔اطلاعات کے مطابق حملہ وہابی دہشت گردوں کی جانب سے کیا گیا جس میں 17 ہلاکتیں ہوئی ہیں۔ فائرنگ میں ہلاک ہونے والوں میں غیر ملکی بھی شامل ہیں۔عینی شاہدین کے مطابق اتوار کی رات 9 بجے کے قریب فائرنگ کی آوازیں سنیں ۔جب مسلح افراد نے اوگاگواگو میں عزیز استنبول ریسٹورنٹ پر حملہ کیا ۔ذرائع کے مطابق  حملے کے کئی گھنٹوں بعد بھی بھاری ہتھیاروں سے فائرنگ کی آوازیں سنی گئی جبکہ پولیس و ریسکیو ٹیموں نے جائے وقوعہ پر پہنچ کر ریسکیو کارروائیوں کا آغاز کیا۔