جرمنی میں چاقو کے حملے میں ایک شخص ہلاک

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ جرمنی کے شہر ہیمبرگ کی سپرمارکیٹ میں چاقو کے حملے میں ایک شخص ہلاک اور 6 افراد زخمی ہوگئےہیں جبکہ حملہ آور کو گرفتار کر لیا گیا ہے ۔ ذرائع کے مطابق شمالی جرمن شہر ہیمبرگ کی سپرمارکیٹ میں ایک حملہ آور نے چاقو کے وار کر کے ایک شخص کو ہلاک جبکہ 6 دیگر افراد  کو زخمی کر دیا۔ ہیمبرگ کے ریاستی حکام کی جانب سے جلد حملے کی تفصیلات سامنے لائے جانے کی توقع ہے۔ بتایا گیا ہے کہ اس حملے کے بعد متحدہ عرب امارات میں پیدا ہونے والے 26 سالہ حملہ آور کو گرفتار کر لیا گیا ہے۔