امریکی ڈرون حملوں میں 10 پاکستانی داعشیوں سمیت 26 داعش دہشت گرد ہلاک

مہر خبررساں ایجنسی نے ایکس پریس کے حوالے سے نقل کیا ہے کہ افغانستان کے مشرقی صوبہ ننگرہار میں امریکی ڈرون حملوں میں داعش کے 26 دہشت گرد ہلاک ہوگئے ہیں جن میں 10پاکستانی داعش دہشت گرد بھی شامل ہیں۔ صوبائی پولیس کے ترجمان کے مطابق دہشت گردوں کو ضلع رودات ، کوٹ اور ہیسکا مینا میں نشانہ بنایا گیا، پولیس کے مطابق دہشت گردوں کواس وقت نشانہ بنایا گیا جب وہ اپنے ٹھکانوں میں دہشت گردی کے حملوں کی منصوبہ بندی کررہے تھے۔ مغربی صوبہ غور میں سکیورٹی چیک پوسٹوں پر طالبان نے حملے کیے ہیں اس دوران جوابی کارروائی میں 13 دہشت گرد مارے گئے جبکہ 9زخمی ہوئے،