چین میں اسکول کے قریب دھماکے سے 7 افراد ہلاک

مہر خبررساں ایجنسی نے شینہوا کے حوالے سے نقل کیا ہے کہ چین میں ایک اسکول کے قریب دھماکے سے 7 افراد ہلاک اور بچوں اور خواتین سمیت 59 افراد زخمی ہو گئے ہیں۔ چین کے مشرقی صوبہ جیانگ زو کی کاؤنٹی فینگ ژیان میں ایک اسکول کی چھٹی کے وقت گیٹ پر اس وقت زوردار دھماکہ ہوا جب بچے اسکول سے باہر نکل رہے تھے۔ ذرائع  کے مطابق دھماکے میں کم از کم 7 افراد ہلاک اور 59 زخمی ہوئے، زخمیوں کو طبی امداد کے لئے قریبی اسپتالوں میں منتقل کر دیا گیا ہے۔سکیورٹی حکام نے علاقے کا محاصرہ کر کے شواہد اکٹھے کرنا شروع کر دیئے ہیں جب کہ علاقے میں سرچ آپریشن بھی شروع کر دیا گیا ہے۔