امریکہ میں فائرنگ سے ری پبلکن پارٹی کے سینئر رہنما سمیت 6 افراد زخمی

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکہ میں نامعلوم شخص کی فائرنگ سے امریکی صدر کے قریبی دوست ، ری پبلکن پارٹی کے سینئر رہنما اور رکن کانگریس  اسٹیو  سکلیس سمیت 6 افراد زخمی ہو گئے ہیں۔ امریکی صدر ڈونلڈ ٹرمپ کی رکن کانگریس پر حملے کی مذمت  کرتے ہوئے کہا ہے کہ اسٹیو بری طرح زخمی ہوئے ہیں لیکن جلد ٹھیک ہو جائیں گے ۔ اطلاعات کے مطابق امریکی ریاست ورجینیا میں صدر ڈونلڈ ٹرمپ کی ری پبلکن پارٹی کے سینئر رہنما  اسٹیو سکلیس پر نامعلوم مسلح حملہ آور  نے حملہ کر کے اسٹیو سمیت 6 افراد کو زخمی کر دیا ہے جس میں سے تین افراد کی حالت تشویش ناک بتائی جا رہی ہے، زخمیوں کو قریبی ہسپتال میں منتقل کر دیا گیا ہے ۔