مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان کی ریاست راجھستان میں شادی ہال کی دیوار گرنے کے نتیجے میں 22افراد ہلاک اور 26زخمی ہوگئے ہیں۔ اطلاعات کے مطابق ہندوستانی ریاست راجھستان کے علاقے بھرتپور میں واقع شادی ہال میں شادی کی تقریب جاری تھی کہ اسی دوران اچانک شادی ہال کی ایک دیوار لوگوں پر آگری ، ملبے تلے دب کر22افراد زخموں کی تاب نہ لاتے ہوئے موقع پر ہی ہلاک ہو گئے جبکہ 26افراد شدید زخمی ہوگئے ہیں، اطلاع ملنے پر ریسکیو ٹیمیں موقع پر پہنچ گئیں جنہوں نے لاشوں اور زخمیوں کو ابتدائی طبی امداد کے بعد ہسپتال منتقل کردیا ہے۔
اجراء کی تاریخ: 11 مئی 2017 - 00:50
ہندوستان کی ریاست راجھستان میں شادی ہال کی دیوار گرنے کے نتیجے میں 22افراد ہلاک اور 26زخمی ہوگئے ہیں۔