ترکی کے 136 سفارتکاروں نے جرمنی میں پناہ کی درخواست دیدی

مہر خبررساں جرمن ذرائع کے حوالے سے نقل کیا ہے کہ ترک صدر رجب طیب اردوغان کا بھیانک چہرہ ترک عوام اور عالمی سطح پر نمایاں ہورہا ہےجس نے ہزاروں ترک شہریوں کو جیل اور نوکریوں سے برطرف کردیا ہے ادھر جرمن حکام کے مطابق ترکی کا سفارتی پاسپورٹ رکھنے والے 136 سفارتکاروں نے سیاسی پناہ کی درخواستیں دے رکھی ہیں۔جرمن ذرائع کے مطابق یہ تعداد اگست 2016 سے جنوری 2017 تک کی درخواستوں کی ہے،ترکی نے جرمنی سے کہا ہے کہ وہ کسی بھی فوجی اہلکار کو سیاسی پناہ نہ دیں،خیال کیا جا رہا ہے کہ درخواست گزاروں میں ایسے بھی فوجی اہلکار شامل ہیں جو کہ جرمنی میں نیٹو کے فوجی اڈوں پر تعینات کیے گئے تھے۔
ذرائع کا کہنا ہے کہ جرمنی کی وزارتِ داخلہ نے ان 136 سفارتکاروں کی نشاندہی نہیں کی ہے جنھوں نے سیاسی پناہ کی درخواست دی ہیں۔ ادھر دو ترک فوجیوں نے یونان میں بھی سیاسی پناہ کی درخواست کی ہے۔ ذرائع کے مطابق ترک صدر اردوغان ناکام فوجی بغاوت کے بعد بڑے پیمانے پر اپنے مخالفین کو کچلنے پر کمر بستہ ہوگئے ہیں اور ان کا بھیانک چہرہ بتدریج ترک قوم اور عالمی سطح پر نمایاں ہورہا ہے۔