امریکہ میں طیارہ گر کر تباہ، 4 افراد ہلاک

مہر خبررساں ایجنسی نے رائٹرز کے حوالے سے نقل کیا ہے کہ امریکی ریاست نویڈا میں طیارہ گر کر تباہ ہوگیا ہے جس کے نتیجے میں طیارے میں سوار تمام 4افراد ہلاک ہوگئے ہیں۔ امریکی ریاست نویڈا کے شہر ایلکو میں چھوٹا طیارہ دل کے مریض کو ایلکو سے اوٹاہ لے کر جارہا تھا کہ نامعلوم وجوہات کی بنا پر ایلکو کے پارکنگ لاٹ میں گر کر تباہ ہوگیا ہے۔ گرنے کے بعد طیارے میں آگ بھڑک اٹھی، ترجمان فیڈرل ایوی ایشن انتظامیہ کے مطابق طیارے میں سوار تمام افراد ہلاک ہوگئے ہیں۔ حادثے کی وجوہات جاننے کے لئے تحقیقات شروع کردی گئی ہیں۔