امریکہ میں ٹریفک حادثے میں 6 افراد ہلاک اور 10 زخمی

مہر خبررساں ایجنسی نے سی این این کے حوالے سے نقل کیا ہے کہ امریکی شہر بالٹی مور میں سکول وین اور مسافر بس کے درمیان  تصادم کے نتیجے میں 6 افراد ہلاک اور 10 زخمی ہوگئے ہیں۔ اطلاعات کے مطابق امریکی شہر بالٹی مور میں سکول وین بے قابو ہو کر مسافر بس سے جا ٹکرائی ، حادثے میں دونوں بسوں کے ڈرائیوروں سمیت 6افراد ہلاک ہو گئے ۔حادثے کے وقت سکول وین میں کوئی بھی بچہ سوار نہیں تھا ۔ خدشہ ہے کہ بس میں دھماکہ ہوا ہے تاہم اس حوالے سے تحقیقات جاری ہیں اور ابھی حتمی طور پر کچھ نہیں کہا جا سکتا ۔