ورجینیا میں شدید بارشوں اور سیلاب کے باعث 20افراد ہلاک

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی ریاست مغربی ورجینیا میں شدید بارشوں اور سیلاب کے باعث 20افراد ہلاک ہوگئے ہیں ۔ جبکہ کیلی فورنیا میں جنگلات میں لگی آگ نے 2افراد کی جان لے لی جبکہ سو مکانات جل کر تباہ ہوگئے ہیں ۔ مغربی ورجینیاکو اس وقت اپنی تاریخ کے بدترین سیلاب کا سامنا ہے ۔ مختلف حادثات کے دوران 20افراد ہلاک ہوئے۔ سیلاب کی شدت اتنی زیادہ تھی کہ اپنے ساتھ ایک جلتا ہوا گھر بھی بہا لے گیا ۔ سیلاب کے پیش نظر پچپن کائونٹیز میں ہنگامی حالت نافذ کردی گئی ہے ۔ ادھر کیلی فورنیا کے جنگلات میں لگی آگ نے اب تک 19ہزار ایکڑ اراضی کو لپیٹ میں لے لیا ہے ۔ جس کے نتیجے میں 100سے زائد مکانات تباہ اور 2افراد ہلاک ہو گئے۔