آسام میں مسافر بس حادثے میں 30 افراد ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستانی ریاست آسام میں مسافر بس گہری کھائی میں جا گری جس کے نتیجے میں 30افراد ہلاک اور 8 زخمی ہو گئے ہیں ۔اطلاعات کے مطابق حادثے میں ابھی تک خواتین اور بچوں سمیت 30مسافروں کی ہلاکت کی اطلاع ہے جبکہ 8زخمی ہیں ۔پولیس ذرائع کے مطابق مسافر بس گوہاٹی جا رہی تھی کہ راستے میں حادثے کا شکار ہو گئی ، بس میں تقریبا چالیس مسافر سوار تھے ۔ ریسکیو حکام کا کہنا ہے کہ کھائی اس قدر گہری اور حادثہ اس قدر خطرناک ہے کہ کسی بھی مسافر کے زندہ بچ جانے کی امید بہت کم ہے اس کے علاوہ گہرائی اور بارش نے امدادی کاموں کو مزید مشکل کر دیا ہے ۔