مہر خبررساں ایجنسی نے ایکسپریس نیوزکے حوالے سے نقل کیا ہے کہ پاکستان کے شہر کراچی سے پولیس اور رینجرزنےکارروائیوں کے دوران کئی مسلح دہشت گرد سمیت 54 ملزمان کو گرفتار کرکے ان کے قبضے سے اسلحہ اور دیگر بارودی مواد برآمد کرلیا ہے۔
اطلاعات کےمطابق کراچی میں پولیس اور رینجرز نے مصدقہ اطلاعات پر پرانی سبزی منڈی ، جمشید کوارٹر ، احسن آباد ، سہراب گوٹھ ، لیاری ، موچکو ، اسٹیل ٹاون ، نیلم کالونی ، شاہ رسول کالونی اور اطراف کے علاقوں میں کارروائیاں کیں۔ کارروائیون کے دوران کئی جرائم پیشہ وہابی دہشت گردوں سمیت 54 ملزمان گرفتار کرلیا ہے۔
پولیس کے مطابق گرفتار کئے گئے ملزمان میں ٹارگٹ کلر ، بھتہ خور ، اشتہاری اور مفرور قرار دیئے گئے افراد بھی شامل ہیں، جن میں سے 8 کا تعلق سیاسی اور 6 وہابی دہشت گرد کالعدم تنظیموں سے ہے۔ گرفتارملزمان کے قبضے سے اسلحہ ، دستی بم ، اوردیگر مسروقہ سامان بھی برآمد کیا گیاہے. پاکستانی ذرائع کے مطابق وہابی دہشت گرد بھتہ خوری اور چوری سمیت مختلف جرائم میں ملوث ہیں۔