پشاور سے 3 وہابی دہشت گرد گرفتار

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہرپشاورمیں بڈھ بیر میں پولیس نے کارروائی کر کے کالعدم وہابی دہشت گرد تنظیم کے 3 دہشت گردوں کو گرفتار کرتے ہوئے ان سے قبضے سے اسلحہ بھی بر آمد کر لیا ہے۔ اطلاعات کے مطابق پشاور پولیس نے بڈھ بیر ایئربیس سے ملحقہ علاقوں میں کارروائی کر کے وہابی کالعدم تنظیم کے 3 دہشت گردوں کو گرفتار کرلیا، ملزمان کی شناخت نصیر، حضرت شیراور زرماخان کے ناموں سے ہوئی ہے۔ایس ایس پی آپریشنزڈاکٹرسعید کا کہنا ہے کہ گرفتاردہشت گردوں کا تعلق خیبرایجنسی سے ہے جو تربیت یافتہ ٹارگٹ کلرز ہیں، ملزمان کے قبضے سے اسلحہ بھی بر آمد کیا گیا ہے جس میں 2 دستی بم، پستول اورشارٹ مشین گن بھی شامل ہے۔