مہر خبررساں ایجنسی نے افغان ذرائع کے حوالے سے نقل کیا ہے کہ افغانستان میں داعش اور افغان طالبان کے درمیان جھڑپوں میں 23 دہشت گرد ہلاک ہوگئے۔ افغان سکیورٹی ذرائع کے مطابق افغانستان کے سرحدی علاقہ باندر میں داعش اور افغان طالبان کے درمیان جھڑپیں جاری ہیں۔ جھڑپوں میں اب تک داعش کے 17اور افغان طالبان کے 6 دہشت گرد مارے گئے۔ باندر کے علاقے پر افغان طالبان نے کنٹرول حاصل کرلیا ہے۔ گزشتہ 1ہفتہ سے جاری جھڑپوں میں اب تک دونوں گروپوں کے درجنوں دہشت گرد ہلاک ہوگئے ہیں۔