نیوجرسی کے اپارٹمنٹ کمپلیکس میں کئی عمارتوں میں آگ لگ گئی

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکہ میں نیوجرسی کے اپارٹمنٹ کمپلیکس میں لگی آگ نےکئی عمارتوں کو لپیٹ میں لے لیا ہے۔ اطلاعات کے مطابق اپارٹمنٹس خالی کرالیے گئے، کئی گھنٹوں سے آگ بجھانے کی کوششیں جاری ہیں ۔ہڈسن ریور کے قریب لگژری اپارٹمنٹ کمپلیکس میں آگ بھڑک اٹھی ۔جس نے دیکھتے ہی دیکھتے دوسری عمارتوں کو لپیٹ میں لے لیا۔کئی فٹ بلند ہوتے شعلوں پر فائر فائٹرز اب بھی قابو پانے میں مصروف ہیں ۔4سو سے زائد افراد سے اپارٹمنٹ خالی کرالیے گئے ہیں۔امدادی کارروائیوں میں مدد دینے کیلیے فضا میں ہیلی کاپٹر بھی موجود ہیں۔