امریکہ میں چلتی بس میں ڈکیتی کی کوشش ناکام

مہر خبررساں ایجنسی نے امریکی ذرائع کے حوالے سے نقل کیا ہے کہ امریکہ میں چلتی بس میں پستول کے زور پر ڈکیتی کرنے والے ڈاکوکو مسافروں نے پکڑ لیا اور اس کی جم کر پٹائی کی۔اطلاعات کے مطابق واشنگٹن میں کنگ کاونٹی پراسیکیوٹر آفس کی جانب سے جاری کی گئی اس ویڈیو میں دیکھا جاسکتا ہے کہ ایک شخص چلتی بس میں لوگوں کو پستول دکھا کرلوٹ مار کررہا ہے۔ اچانک ایک مسافر نے ڈاکو پر حملہ کر کے اسے بس کے فرش پر گرادیا اس دوران دیگر مسافروں نے بھی ڈاکوکودبوچ لیااورپولیس کے آنے تک اسے قابومیں رکھا۔اس واقعہ میں کوئی شخص زخمی نہیں ہوا۔