پاکستان کے صوبہ بلوچستان میں زلزلہ سے ہلاکتوں کی تعداد 238 ہوگئی

مہر خبررساں ایجنسی نے جیو نیوز کے حوالے سے نقل کیا ہے کہ پاکستان کے صوبہ بلوچستان میں زلزلے میں ہلاک ہونے والے افراد کی مجموعی تعداد 238تک پہنچ گئی ہے۔ ضلع کیچ میں زلزلے سے مزید22 افرادکے جاں بحق ہونے کی تصدیق کے بعد ضلع کیچ میں زلزلے سے جاں بحق افراد کی تعداد 30ہوگئی ہے۔زلزلے سے ضلع آواران کا علاقہ ملار سب سے زیادہ متاثرہوا۔ ضلع آواران میں ہلاک ہونے والے افرادکی تعداد 208 جبکہ تربت میں زلزلے سے 8 افراد ہلاک ہوئے۔اطلاعات کے مطابق زلزلے سے بلوچستان کے 7 اضلاع متاثرہوئے، جن میں تربت، آواران، پنجگور، چاغی، خضدار اور گوادراور کیچ شامل ہیں۔ضلع آوران زلزلے سے سب سے زیادہ متاثر ہوا۔زلزلے سے متاثرہ علاقوں میں امدادی کارروائیاں جاری ہیں اور صوبائی حکومت نے ضلع آواران میں ایمر جنسی نافذ کر دی ہے۔