امریکی وزیر خارجہ کے گھر کی تصویریں کھینچنے والاشخص گرفتار

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکہ کے شہر بوسٹن میں پولیس نے امریکی وزیر خارجہ جان کیری کے گھر کی تصویریں کھینچنے والے ایک شخص کو گرفتار کرلیا ہے۔ بوسٹن میں امریکی وزیر خارجہ کے ترجمان گیلن جانسن کا کہنا ہے ،جان کیری کے گھر تصاویر کھنچنے والے شخص کی کار سے ایک بندوق بھی ملی ہے۔ گیلن جانسن کا کہنا ہے کہ یہ شخص جان کیری کے گھر کی ایک کھڑکی  کی تصویرکھینچ رہا تھا۔ واقعہ کے وقت جان کیری گھر پر موجود نہ تھے ،وہ اپنی اہلیہ کی عیادت کے لئےاسپتال گئے ہوئے تھے۔ جان کیری کی اہلیہ کا ایک ہفتہ قبل ایک آپریشن ہوا ہے۔ امریکی وزیر خارجہ کے اسٹاف نے پولیس کو اس کے بارے میں اطلاع دی ،جس نے اسے گرفتار کر لیا ہے گرفتار کئے جانے والے شخص سے تفتیش کی جارہی ہے۔