لاس اینجلس میں کالج کے قریب فائرنگ کے واقعہ میں 6 افراد ہلاک

مہرخبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی شہرلاس اینجلس میں کالج کے قریب ہونے والے فائرنگ کے واقعہ میں 6 افراد ہلاک ہوگئے ہیں۔  لاس اینجلس میں سانتامونیکا کالج کے قریب فائرنگ سے ہلاکتوں کی تعداد 6 ہوگئی۔ پولیس کی فائرنگ سے حملہ آور بھی مارا گیا۔ ملزم سے تعلق رکھنے والے ایک شخص کو پوچھ گچھ کے لیے حراست میں لے لیا گیا۔اطلاعات کے مطابق حملہ آور نے پہلے ایک گھرمیں فائرنگ کرکے 2 افراد کو قتل کیا اس کے بعد باہر آکر گھر کو آگ لگادی۔ حملہ آور نے اس کے بعد ایک کار چھینی اور کالج کی طرف روانہ ہوا۔ سانتا مونیکا کالج کے قریب ملزم نے گزرتی ہوئی کاروں اور بس پر فائرنگ کی جس سے ایک خاتون سمیت 4 افراد زخمی ہوگئے۔۔ حملہ آور اس کے بعد کالج کی لائبریری میں گیا اور وہاں بھی فائرنگ کی، اس دوران پولیس سانتا مونیکا کالج پہنچ گئی اور فائرنگ کرکے حملہ آور کو ہلاک کردیا۔ ملزم کی فائرنگ سے زخمی ہونے والے چارافراداسپتال میں دم توڑ گئے۔ اس خونی واقعہ کے بعد کالج اور قریبی اسکولوں کو بند کر دیا گیا ہے۔