بنگلہ دیش میں سمندری طوفان سے14 افراد ہلاک

مہر خبررساں ایجنسی نے ذرائع کے حوالے سے نقل کیا ہے کہ بنگلہ دیش کے جنوبی ساحلی علاقوں میں سمندری طوفان مہاسین سے 14 افراد ہلاک ہوگئے ہیں۔ حکام کے مطابق سمندری طوفان کی شدت میں کمی کی وجہ سے بڑے پیمانے پر نقصان نہیں ہوا ہے۔ساحلی علاقوں میں سوکلومیٹر فی گھنٹہ کی رفتار سے ہوائیں چل رہی ہیں ، تیز ہواوٴں اور بارشوں کے سبب ہزاروں گھروں کو نقصان بھی پہنچا ہے۔متاثرہ ساحلی علاقوں سے تقریبا10لاکھ افراد کو محفوظ مقامات پر منتقل کیا گیا ہے۔